Il nuovo porto “verde ” di Cagliari, ecologico e a basso consumo energetico, potrebbe nascere sull'asse Università-Autorità portuale, e con le pale eoliche. A rilanciare la sfida è stato Salvatore Mura, docente di Ingegneria dell’ateneo cagliaritano presente al convegno “Porti e trasporti: soluzioni energetiche innovative” al Terminal crociere. «Per esempio nel porto di Genova si parla di dotare lo scalo di impianti eolici. Quando qualche decennio fa l’ho proposto a Cagliari l’ipotesi non è stata considerata. Ora mi piacerebbe capire se la mentalità dell’Autorita portuale è cambiata e se il porto può essere infrastrutturato in questo modo». Dalla platea qualcuno ha obiettato rischi paesaggistici e ambientali. «Nessuno vuole mettere un parco eolico da 100 megawatt - ha spiegato il docente Fabrizio Pilo, uno dei relatori dell’incontro - è importante una gestione intelligente di tutte le fonti energetiche».

 

 

5 - Sardegna Quotidiano / Pagina 22 – Tempos modernos
UNIVERSIDADE

A is eletziones Indipendentistas si presentant cun Loi Piras
SCIDA Sù sòtziu de istudiantes est nàschidu s’annu passadu e at giai cuncordadu una sèrie de atividades culturales e polìticas.
LESSANDRU LOI PIRAS S’istudiante de su de tres annos de sièntzias polìticas est su primu indipendentista a si candidare pro su cussìgiu de amministratzione de s’ Ersu.
Non fiat mai capitadu: pro sa primu borta in s’istòria s’indipenden - tismu at a èssere in is eletziones universitàrias. Sa lista est cussa de Scida e s’at a presentare pro is eletziones de su rapresentante de is istudiantes in su CdA de s’Ersu, chi ant a èssere su 21 e 22 de maju, cun su nùmene de Lessandru Loi. Su candidadu est un’istudiante de sièntzias polìticas a su de tres annos chi bivet in sa domo de s’istudiante de sa ruga Businco. Unu nùmene giai connoto in s’ambiente universitàriu giai ca est istadu rapresentante in sa cummissione domos s’annu passadu e at traballadu in sòtzios de istudiantes che a Pesa* Universidade de Sardigna. Sa proposta de candidadura de is indipendentistas de Scida est bida comente un’alternativa pro segare cun su tempus passadu, pro si pònnere comente rapresentantes de is interessos de is istudiantes de s’Ateneu casteddaju. «Bolimus traballare in manera sèria e costrutiva - narat su candidadu Loi - cumintzende dae is cosas piticas, comente cussa de megiorare sa comunicatzione intre s’ente e is istudiantes, pro nàrrere torrende a fàghere is email chi donaiant informatziones a pitzus de is iscadèntzias pro su pagamentu de is impostas universitàrias, megiorende su situ internet de s’Ersu e aici sighende». Ma is obietivos sunt fintzas prus mannos: «Sa punna - sighit Loi - est fintzas cussa de chistionare cun sa regione pro fàghere de manera chi si fatzat una lege sarda pro s’universidade chi siat moderna e orgànica a is interessos de sa Sardigna». In prus, intre is puntos de su programma eletorale sunt presentes unas propostas chi andant dae cussa de mudare su regulamentu internu de is domos de is istudiantes, fintzas a s’impignu pro fàghere prustrasparente e lineare su sistema de finantziamentu de is bursas de istùdiu, cun un’atentzione particulare a s’impreu de totus is ainas chi tenent is istudiantes pro fàghere bàlere is deretos de is istudiantes. «Totus is atividades chi amus a fàghere in su cussìgiu de amministratzione de s’Ersu - narat Nicola Meloni, unu de is promotores de sa lista - ant a tènnere comente obietivu solu cussu de amparare is deretos de is istudiantes sena chi custa esperièntzia a su servìtziu de is àteros istudiantes siat una manera pro cumintzare carrieras partìticas. Sighende sa bisione indipendentista, Scida e su candidadu cosa sua s’ant a opònnere a is polìticas de decualificatzione promòvidas dae is istitutziones de s’istadu e dae cussas sardas, chi dae semper sunt fatas gràtzias a su mudìmene de is rapresentàntzias de is istudiantes chi sunt orgànicas a is partidos italianos». Àteros puntos de su programma de Scida sunt sa promotzione de una lege sarda pro su deretu a s’istùdiu, gràtzias a su cunfrontu intre istudiantes, Ersu e s’universidade casteddaja chi potzat torrare a bìdere is paràmetros de rèdditu e mèritu e duncas chi potzat donare a totus sa possibilidade de istudiare boghende is diferèntzias intre is istudiantes. Àtera chistione est cussa de aumentare is fundos pro is bursas de istùdiu e is servìtzios a is istudiantes. Pro cussu chi pertocat is domos de is istudiantes, s’idea e cussa de donare prus libertade de movimentu a intro de is domos etotu. De importu mannu fintzas sa rechesta chi totus is comunicatziones e is modulisticas de s’ente siant fatas in a su mancu duas limbas, sardu e italianu, de manera de rispetare is deretos linguìsticos de is istudiantes. Su programma non s’iscaressat nemancu de sa benèssere alimentare de is universitàrios, cun propostas pro donare cosa de papare a km 0. In ùrtimu b’est sa proposta pro sa trasmissione in direta streaming de totus is riuniones de su CdA de s’Ersu de manera de aumentare sa trasparèntzia. Comente si podet bìdere unu programma cumpletu e ambitziosu chi in is ùrtimas dies est agatende su cunsensu de semper prus istudiantes, comente dimustrat su bona renèssida de sa festa de promotzione cuncordada dae Scida cun artistas che a Isla Sound e Bujumannu. Forsis pro s’universidade de Casteddu est lòmpidu su momentu de cambiare e lassare a pèrdere is rapresentàntzias chi sighint is interessos italianos pro donare cunfiàntzia a istudiantes chi tenent a coro isceti su bene de s’universidade e de s’iscola sarda.